<== Previous Article       Next Article==>

Special Article #3

ude folks, heir at my Archibischop of Glasgwis letters under his round sele, direct to me or any uther chapellane, makand mensioun, with greit regrait, how hevy he beris the pietous, lamentabill, and dolorous complaint that pass over all realme and commis to his eris, be oppin voce and fame, how our souverane lordis trew liegis, men, wiffis and barnys, bocht and redemit be the precious blude of our Salviour Jhesu Crist, and levand [living] in his lawis, are saikleslie [needlessly, undeservingly] part murdrist, part slayne, brynt, heryit, spulzeit [despoiled] and reft, oppinly on day licht and under silens of the nicht, and thair takis [farms] and landis laid waist, and thair self banyst therfra, als wele kirklandis as utheris, be comnoun tratouris, revaris, theiffis, duelland in the south part of this realme, sic as Tevidale, Esdale, Liddisdale, Ewisdale, Nedisdale [Nithsdale] and Annanderdaill; quhilkis hes bene diverse ways persewit and punist be the temperale swerd and our Soverane Lordis auctorite, and dredis nocht the samyn. nd thairfoire my said Lord Archibischop of Glasgw hes thocht expedient to strike thame with the terribill swerd of halykirk, quhilk thaie may nocht lang endur and resist; and has chargeit me, or any uther chapellane, to denounc, declair and proclame thaim oppinly and generalie cursit, at this market-croce, and all utheris public places. hairfor throw the auctorite of Almichty God, the Fader of hevin, his Son, our Saviour, Jhesu Crist, and of the Halygaist; throw the auctorite of the Blissist Virgin Sanct Mary, Sanct Michael, Sanct Gabriell, and all the angellis; Sanct John the Baptist, and all the haly patriarkis and prophets; Sanct Peter, Sanct Paull, Sanct Andro, and all haly appostillis; Sanct Stephin, Sanct Laurence, and all haly mertheris [martyrs]; Sanct Gile, Sanct Martyn, and all haly confessouris; Sanct Anne, Sanct Katherin, and all haly virgins and matronis; and of all the sanctis and haly company of hevin; be the auctorite of our Haly Fader the Paip and his cardinalis, aned of my said Lord Archibischop of Glasgow, be the avise and assistance of my lordis, archibischop, bischopis, abbotis, priouris, and utheris prelatis and ministeriers of halykirk. dennounce, proclamis, and declaris all and sindry the committaris of the said saikles murthris, slauchteris, brinying, heirchippes, reiffis, thiftis and spulezeis, oppinly apon day licht and under silence of nicht, alswele within temporale landis as kirklandis, togither with thair part takaris [partakers], assistaris, supplearis, wittandlie resettaris [knowing receivers] of their personis, the gudes reft and stollen be thaim, art or part thereof, and thair counsalouris and defendouris, of thair evil deides generalie CURSIT, waryit [execrated], aggregeite, and reaggregeite, with the GREIT CURSING. curse thair held and all the haris of their held; I curse thair face, their ene, thair mouth, thair neise, their toung, thair teith, thair crag, thair schulderis, thair breist, thair hert, thair stomok, thair bak, their wame, thair armes, thair leggis, thair handis, thair felt, and everilk part of thair body, free the top of thair heid to the Soill of thair feit, befoir and behind, within and without. I curse thaim gangand [going, walking], and I curse thaim rydand [riding]; I curse thaim standand, and I curse thaim sittand; I curse thaim etand, I curse thaim drinkand; I curse thaim walkand, I curse thaim sleepand; I curse thaim rysand,I curse thaim lyand; I curse thaim at hame, I curse thaim fra hame; I curse thaim within the house, I curse thaim without the house; I curse thair wiffis, thair barnis, and their servandis participand with thaim in thair deides. I wary thair cornys, thair catales tharir woll, their scheip, thalr horse, their swyne. their geise [geese], thair hennys, and all thair quyk gude [livestock], I wary thair hallis, thair chalmeris [rooms], thair kechingis, their stanillis, their barnys, thair biris [cowsheds], their bernyardis, thair cailyardis [cabbagepatches], thair plewis, thair harrowis, and the gudis and housis that is necessair for thair sustentatioun and weilfair. ll the malesouons and waresouns [curses] that ever gat warldlie creatur sen the begynnyng of the warlde to this hour mot lict apon thaim. The maledictioun of God, that lichtit apon Lucifer and all his fallowis, that strak thaim frae the hie hevin to the deip hell, mot licht apon thaim, The fire and the swerd that stoppit Adam far the yettis [gates] of Paradise, mot stop thaim free the gloir of Hevin, quhill [until] thai forbere and mak amendis. The malesoun that lichtit on sursit Cayein, quhen he slew his bruther just Abell saiklessly, mot licht on thaim for the saikles slauchter that thae commit dailie. The Maledictioun that lichtit apon ail the warlde, man and beist, and all that ever tuk life, quhen all was drownit be the flude of Noye, except Noye and his ark, mot licht apon theme and droune theme, man and beist, and mak this realm cummirless [free] of thame for thair wicket synnys. The thunnour and fireflauchtis [lightning] that set doun as rane apon the cities of Zodoma and Gomora, with all the landis about, and brynt thame for thair vile sunnys, mot rane apon thame, and birne thaim for oppin synnis. The malesoun and confusion that lichtit on the Gigantis for thair oppressioun and pride, biggand [building] the tour of Babiloun, mot confound thaim and all thats werkis, for their oppin reiggs and oppressioun. All the plagis that fell apon Pharao and his pepill of Egipt, thair landis, corne, and cataill, mot fall apon thaim, their takkis, rowmys [places] and stedingis, cornys and beistis. The watter of Tweid and utheris watteris quhair thai ride mot draun thrim, as the Reid Sey drownit King Pharao and his pepil of Egipy, persewing Godis pepill of Israell. The erd [earth] mot oppin, riffe and cleiff [cleave], and swelly[swallow] thaim quyk to hell, as it swellyit cursit Dathan and Abiron, that ganestude [withstood] Moeses, and the command of God. The wyld fyre that byrnt Thore and his fallowis to the nowmer of two hundredth and fyty, and utheris 14,000 and 700 at anys, usurpand agais Moyses and Aaron, servandis of God, mot suddenly birne and consume thain dalie anestandand the comandis of God and halykirk. The malediction that lichtit suddanely apon fair Absolon, rydant contrair his fader, King David, servand of God, throw the wed, quhen the branchis of ane tre fred [parted] him of his horse and hangit him be the hair, mot licht apon thaim, rydand again trew Scottis men, and hang thaim siclike that all the warld may se. The maledicitioun that lichtit apon Olifernus, lieutenant to Babogodonoser, makand weair [war] and heirchippis apon trew cristin [Christian] men, the malediction that lichtit apon Judas, Pylot, Herod and the Jowis that chucifyit [crucified] Our Lord, and all the plagis and trublis that lichtit on the citte of Jherusalem thairfor, and apon Symon Magus for his symony, bludy Nero, cursit Ditius Makcensius, Olibruis, Julianus Apostita and the laiff [rest] of the cruell tirrannis that slew and murthirit Critis haly servandis, mot licht apon thame for their cruel tiranny and murthirdome of cristin pepill. nd all the vengeance that evir was takin sen the warlde began for oppin synnys, and all the plagis and pestilence that ever fell on man or beist, mot fall on thaim for thair oppin reiff, saiklesse slauchter and schedding of innocent blude. I dissever and pairtis thaim fra the kirk of God, and deliveris thaim quyk to the devill of hell, as the Apostill Sanct Paull deliverit Corinthion. I interdite the places they cum in fra divine service, ministracioun of the sacramentis of halykirk, excpet the sacrament of baptissing allanerlie [only]; and forbiddis all kirkmen to schriffe [shrive] or absolve thaim of their synnys, quhill they be first absolyeit of this cursing. forbid all cristin man or woman till have ony company with thaime, etand, drynkand, spekand, prayand, lyand, gangand, standand, or in any uther deid doand, uner the paine of deidly syn. I discharge all bandis, actis, contractis, athis [oaths] and obligatiounis made to thaim be oby persounis, other of lawte Ceither of loyalty, kyndenes or manrent [personal] fealty, sa lang as thai susteine this cursing, sue that na man be bundin [bound] to thaim, and that thai be bundin till all men. I tak fraw thame and cryis doune all the gude dedis that ever thai did or sail do, quhill thai ryse frae this cursing. I declare thaim partles [excluded] of all matynys, messis, evinsangis, dirigeis or utheris prayeris, on buke or beid; of all pilgrimagis and almouse dedis done or to be done in halykirk or be cristin pepil, enduring this cursing. nd, finally, I condemn thaim perpetualie to the deip pit of hell, the remain with Lucifer and all his fallowis, and their bodeis to the gallows of the Burrow Mure, frist to be hangit, syne revin and ruggit [then ripped and torn] with doggis, swyne, and utheris wyld heists, ahhominable to all the warld. And their candills gangis frae your sicht, as mot their saulis gang fra the visage of God, and thair gude faim fra the warld, quhill thair forbeir thair oppin synnys foirsaidis and ryse free this terribill cursing, and mak satisfaction and pennance.